Nafarroako Mendialdeak aurrez aurre dituen arazoei eta erronkei soluziobideak emanen dizkieten ekimenak eta proiektu berritzaileak, publikoak nahiz pribatuak, proposatzen, sustatzen eta ezagutzera ematen ditugu, Nafarroako Mendialdeak dituen aukerak eta baliabideak aprobetxatuz.

Landa-garapenerako programak

Nafarroako Mendialdeko landa-ingurunean ekimen berritzaileak garatzea bultzatzen dugu, batez ere bi arlotan: natur eta ondare-baliabideen balorizazioan, eta tokian tokiko produktuen arloan.

• Eskualde-proiektuen kudeaketari laguntza teknikoa.
• Laguntza tekniko espezializatua ingurumenaren, kulturaren, Teknologia Berrien, eta landa-turismoaren arloan.

Beste eskualdeekin lankidetzan

Nafarroako Mendialdea beste erregioetara irekitzea eta haiekin harremanak sendotzea bultzatzen dugu, hainbat jarduera-sektoretan informazioa eta esperientziak trukatzeko, hausnarketa bultzatzeko, eta elkarrekin lanean jarduteko.

• Europako beste eskualdeekin lankidetza-proiektu berriak diseinatu eta kudeatu.
• Nafarroako Mendialdeko entitateen eta Europako beste eskualdeetako antzeko entitateen artean lankidetza bultzatu.
• Sare iraunkorrak sortu, tokian tokiko lankidetza bultzatzeko eta zabaltzeko.